बेलौरीमा क्षेत्रीय ब्याडमिन्टन प्रतियोगिता सुरु

कञ्चनपुरको बेलौरीमा क्षेत्रीय ब्याडमिन्टन प्रतियोगिता सुरु भएको छ । बेलौरी ब्याडमिन्टन क्लब र उग्रतारा बाल विद्यालयको संयुक्त आयोजना र बेलौरी नगरपालिका वडा नम्बर ४ को मुख्य प्रायोजकमा बिहीबारदेखि प्रतियोगिता सञ्चालन गरिएको छ ।बेलौरी नगरपालिका वडा नम्बर ४ का वडाध्यक्ष अर्जुन ढकालले उद्घाटन गर्नुभएको छ। प्रतियोगिता यही असोज २९ गतेसम्म जारी रहने बेलौरी ब्याडमिन्टन क्लबका अध्यक्ष सुरज श्रेष्ठले जानकारी दिनु भएको छ । उहाँका अनुसार, प्रतियोगितामा जम्मा २४ टिमको सहभागिता रहेको छ । प्रतियोगिता उग्रतारा बाल विद्यालयको ब्याडमिन्टन हलमा सञ्चालन गरिएको छ । प्रतियोगिताको विजेता टिमलाई नगद रु. ३० हजार र उपविजेता टिमलाई नगद रु. २० हजार सहित प्रमाण पत्रले पुरस्कृत गरिने आयोजकले जनाएको छ ।