बेलौरी:सिद्धेश्वर कृषि सहकारी संस्थाको अध्यक्षमा पुन: बिष्ट चयन

माधब पौडेल,२८ कार्तिक। कञ्चनपुरको बेलौरी नगरपालिका वडा नम्बर ६ भुराकोटमा रहेको सिद्धेश्वर कृषि सहकारी संस्था लिमिटेडको शुक्रबार सम्पन्न १४औं बार्षिक साधारण सभाबाट अध्यक्षमा पुनः सुरेन्द्र सिंह बिष्टलाई सर्वसम्मत चयन गरेको छ।

उपाध्यक्षमा पुन:खगिसरा विष्ट, सचिवमा पुन:सुरेन्द्र बडु, कोषाध्यक्षमा नरेशमान श्रेष्ठ,त्यसैगरी सदस्यहरूमा देवीदत्त बड, शंकर सुनार, विर बहादुर श्रेष्ठ, लवकुश चौधरी, चक्रबहादुर जोशी, बसन्ती कार्की र माया बडुवाल सर्वसम्मतरूपमा चयन भएका छन्।

वार्षिक साधारण सभामा सहकारीले विगत वर्षका गतिविधि, आर्थिक विवरण र भावी योजनाहरू प्रस्तुत गर्दै आगामी वर्षलाई कृषि उत्पादन वृद्धि तथा सदस्य–केन्द्रित सेवाको विस्तारको वर्षका रूपमा अघि सारेको नवनिर्वाचित अध्यक्ष सुरेन्द्र सिंह विष्टले जानकारी दिनुभयो।