एमालेनिकट युवा संघको प्रदेश सदस्यमा लालझाडीका युवा नेता राना सहित १२ जना मनोनयन

कञ्चनपुर,९ भाद्र। नेकपा एमालेनिकट राष्ट्रिय युवा संघ नेपाल सुदूरपश्चि प्रदेश कमिटिमा लालझाडीका युवा नेता अमर राना सहित १२ जना मनोनयन भएका छन् । राष्ट्रिय युवा संघ नेपाल, सुदूरपश्चिम प्रदेश कमिटीको दोस्रो पुर्ण बैठक गत विहिवार ६ गते प्रदेश कमिटी अध्यक्ष अरुण कुँवरको अध्यक्षता र नेकपा एमाले केन्द्रिय कमिटी सचिव तथा सुदूरपश्चिम इन्चार्ज कमरेड लेखराज भट्टको प्रमुख आतिथ्य र राष्ट्रिय युवा संघ नेपाल केन्द्रिय अध्यक्ष क्षितिज थेबेको विशेष आतिथ्यतामा कैलालीको धनगढी सम्पन्न बैठकले राना सहित १२ जनालाई प्रदेश कमिटीमा मनोनित गरिएको जारी सर्कुलरमा उल्लेख गरिएको छ ।

बैठकले अन्य विभिन्न निर्णय समेत गर्दै १२ जनालाई उमेरको हदवन्दी सहित दोहोरो जिम्मेवारी भएका नेताहरुलाई संगठनबाट बिदा गरेको छ । दार्चुला, बैतडी, डडेल्धुरा र कैलाली जिल्लाका जिल्ला अधिवेशन भाद्र मसान्त सम्म गरिसक्ने र प्रदेशका सम्पुर्ण जिल्लामा असोज मसान्त सम्म पालिका अधिवेशन गर्नुपर्ने निर्णय समेत गरेको छ ।