२०८१ फागुन २, शुक्रबार | Fri, 14, Feb, 2025

निर्धन उत्थानद्वारा व्यावसायिक उखु खेती सम्बन्धी तालिम प्रदान


  • २०८० फागुन ११, शुक्रबार मा प्रकाशित ११ महिना अघि
  • ६४८ पाठक संख्या
  • माधब पौडेल / हरिश्चन्द्र बाग, ११ फागुन । कञ्चनपुरको बेलौरी नगरपालिका वडा नम्बर ४ मा शाखा कार्यालय रहेको निर्धन उत्थान लघुबित्त बित्तीय संस्थाले व्यावसायिक उखु खेती सम्बन्धी तालिम प्रदान गरेको छ । निर्धन नक्साल काठमाडौँको आयोजना निर्धन उत्थान लघुबित्त बित्तीय संस्था शाखा कार्यालय बेलौरीको संयोजनमा लालझाडी, बेल्डाँडी, बेलौरी र पुनर्वास नगरपालिका भित्र रहेका संस्थामा आबद्ध ३१ जना महिला सदस्यहरुलाई तीन दिवसीय तालिम दिइएको हो । बेलौरी नगरपालिका कृषि विकाश शाखाका प्रमुख सुमनराज जोशी लगायत ४ जनाको टिम र सफल कृषक आशरेराम बडायकले स्थलगत अवलोकन सहितको प्रशिक्षण दिनु भएको थियो ।

    फागुन ९ गतेका दिन बेलौरी नगरपालिका वडा नम्बर ४ का वडाध्यक्ष अर्जुन ढकालले उद्घाटन गर्नुभएको तालिम फागुन ११ गतेसम्म सञ्चालन गरिएको निर्धन उत्थान लघुबित्त बित्तीय संस्था बेलौरीका प्रमुख ध्रुबराज जोशीले जानकारी दिनुभयो । कञ्चनपुरको दक्षिणी क्षेत्रमा उखु खेती बढी गरिने भएकोले यस वर्ष उखु सम्बन्धी तालिम दिइएको उहाँको भनाइ छ । बिगतका वर्षमा संस्थाले बाख्रापालन, व्यवसायिक तरकारी खेती सम्बन्धी तालिम प्रदान गरेको संस्था सहायक लोकेश अधिकारीले जानकारी दिनुभयो।

     

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित
    १%

    प्रतिक्रिया दिनुहोस


    सम्बन्धित खबरहरु
    ताजा अपडेट