पुनर्वासमा रहेको प्रतिभा बहुमुखी सहकारीको २६ औं वार्षिक साधारण सभा सम्पन्न

पुनर्वास,१ पौष। कञ्चनपुरको पुनर्वास नगरपालिका ६ स्थित प्रतिभा बहुमुखी सहकारी संस्थाको २६ औं वार्षिक साधारण शनिबार एक औपचारिक कार्यक्रमका बीच पुनर्वास–६ वडा कार्यालयको सभाहलमा सम्पन्न भएको हो ।

कार्यक्रमको सभापति संस्थाका अध्यक्ष विश्वनाथ बिष्ट प्रमुख अतिथि पुनर्वास नगरपालिकाका नगर प्रमुख तोय प्रसाद शर्मा, बिशिष्ट अतिथीमा पुनर्वास नगरपालिकाका निर्वतवान नगर प्रमुख जिवनराज थापा र निर्वतवान नगर उपप्रमुख शारदा बिष्ट लगायत विभिन्न व्यक्तित्वहरुको उपस्थिति रहेको थियो । कार्यक्रममा सहकारीका उपाध्यक्ष कृष्णबहादुर तामाङले स्वागत मन्तव्य राख्नुभएको थियो।

कार्यक्रममा बोल्दै प्रमुख अतिथी नगर प्रमुख शर्माले एउटै उद्धेश्य बोकेका सहकारीहरु मर्ज गर्न सके मात्रै सहकारीहरुको विकास हुने बताउनुभयो ।अघिल्लो वर्ष सहकारीका व्यवस्थापकहरुलाई नगरपालिकाका तर्फबाट सहकारीलाई सहज रुपमा सञ्चालन गर्ने सम्बन्धी तालिम उपलब्ध गराएको बताउदै  हिजोआज बाहिर बाट आएका केहि सहकारीका कारण सहकारीहरु बदनाम बन्दै गएकाले सहि तरिकाले सहकारी सञ्चालन गर्न समिति र कर्मचारीलाई नगर प्रमुख शर्माले आग्रह गर्नुभयो ।साधारणसभामा सेयर सदस्यहरुको उल्लेखनीय सहभागिता रहेको थियो ।