हरिश्चन्द्र बाग, कञ्चनपुर, २० कार्तिक । कञ्चनपुरको बेलौरीमा रामलीलाको तयारी पूरा भएको आयोजकले जनाएको छ । लोक परम्परागत धर्म, संस्कृति, कला, संस्कार र सत् चरित्रका लागि आज मंगलबार साँझदेखि रामलीला सञ्चालन गरिने बेलौरी सांस्कृतिक तथा रामलीला समितिका अध्यक्ष दिनेश कुँवरले जानकारी दिनुभयो । भगवान् रामचन्द्रको जीवन कथामा आधारित रामलीला बेलौरीको खुलामञ्चमा सञ्चालन हुँदै छ । साँझ ७ बजे रामलीला उद्घाटन गरिने तयारी गरिएको आयोजक समितिका सचिव रामेश्वर न्यौपानेले जानकारी दिनुभयो ।
प्रतिक्रिया दिनुहोस