पुनर्वासमा नगरस्तरीय क्रीकेट प्रतियोगिता सुरु 

पुनर्वास,१४ कार्तिक।कञ्चनपुरको दक्षिणी क्षेत्रको पुनर्वास नगरपालिकाको बिचफाँटामा नगर स्तरीय क्रीकेट प्रतियोगिता बुधबार देखि सञ्चालन गरिएको छ ।

पुनर्वास नगरपालिकाका नगर प्रमुख तोय प्रसाद शर्माले उद्घाटन गरेको गरेको क्रीकेट प्रतियोगिताको आयोजना परोपकार युवा समाजले गरेको छ ।पुनर्वास नगर पालिका भित्रका १६ वटा टिम सहभागी भएको युवा समाजका अध्यक्ष अमरजन साउदले बताए । प्रतियोगितामा बिजेतालाई ५५ हजार ५ सय ५५ नगद सहित ट्रफी र उप बिजेता टिमलाई २५ हजार ५ सय ५५ रुपैया नगद सहित ट्रफी पुरस्कारको ब्यबस्था गरिएको अध्यक्ष साउँदले जानकारी दिनुभयो।खेल क्यानको नियमानुसार खेलाइने उनले जानकारी दिए । बुधबार प्रीति गार्डेन स्कुल र प्याराताल युवा क्लव बिच भएको खेलमा प्रीति गार्डेन स्कुल ४६ रनले बिजयी भएको परोपकार युवा समाजका सचिव नारायण प्रसाद जैसीले बताउनुभयो।