२०८१ फागुन २, शुक्रबार | Fri, 14, Feb, 2025

बेलडाँडीमा खुल्ला नकआउट फुटबल प्रतियोगिता सुरु 


  • २०८१ भाद्र ८, शनिबार मा प्रकाशित ५ महिना अघि
  • २५४ पाठक संख्या
  • हरिश्चन्द्र बाग, कञ्चनपुर, ० ८भदौ । कञ्चनपुरको बेलडाँडीमा खुल्ला नकआउट फुटबल प्रतियोगिता सञ्चालन गरिएको छ । गौरा पर्वको अवसर पारेर बेलडाँडीमा रहेको अल स्टार युवा क्लबको आयोजनामा शुक्रबारदेखि सातौँ संस्करणको फुटबल प्रतियोगिता सञ्चालन गरिएको हो । प्रतियोगितामा बाहिरका सोह्र टिम र आयोजकको एक गरी १७ टिमको सहभागिता रहेको छ । प्रतियोगितामा प्रथम हुने टिमलाई नगद ८१ हजार रुपैयाँ सहित ट्रफी र प्रमाणपत्र तथा द्वितीय हुने टिमलाई नगद ४५ हजार रुपैयाँ पुरस्कार प्रदान गरिने क्लबका अध्यक्ष लोक बहादुर बलायरले जानकारी दिनुभयो । यस्तै अन्य विद्याका उत्कृष्ट खेलाडीहरूलाई समेत पुरस्कार प्रदान गरिने बताइएको छ ।प्रतियोगितालाई भव्य रूपमा सफल पार्नका लागि देश विदेशमा रहेका पूर्वखेलाडी, खेलप्रेमी र व्यापारीहरूको तर्फबाट आर्थिक सहयोग प्राप्त भएको प्रतियोगिताका संयोजक एवम् अल स्टार युवा क्लबका उपाध्यक्ष मनोज खडायतले बताउनु भयो । क्लबलाई विभिन्न तवरले सहयोग गर्नु हुने सम्पूर्णलाई आयोजकले कृतज्ञता साथ धन्यवाद ज्ञापन गरेको छ ।

    बेलडाँडी गाउँपालिका वडा नं. १ स्थित कालिका मन्दिरको उत्तरपट्टिको मैदानमा सञ्चालित प्रतियोगिताको शुक्रबार अपराह्न उद्घाटन गरिएको छ । क्लबका अध्यक्ष लोकबहादुर बलायरको अध्यक्ष तथा बेलडाँडी गाउँपालिकाका उपाध्यक्ष शान्ति नाथको प्रमुख आतिथ्यतामा सञ्चालन गरिएको उद्घाटन समारोहमा गाउँपालिकाका प्रवक्ता एवं वडा नम्बर १ का अध्यक्ष गजबहादुर बिष्ट सहित वर्तमान तथा निवर्तमान स्थानीय जनप्रतिनिधि, राजनीतिक दलका प्रतिनिधि, पत्रकार, समाजसेवी, खेलाडी र खेलप्रेमीहरूको उपस्थिति रहेको थियो । उद्घाटन समारोहको सहजीकरण शिक्षक भीमराज जोशीले गर्नुभएको थियो । वक्ताहरूले खेलकुद क्षेत्रको विकासका लागि आआफ्ना धारणा व्यक्त गर्नुभएको थियो ।

    उद्घाटन खेलका रूपमा शुक्रबार साँझ मल्टी स्टार युवा क्लब र बि वान जे यूथ बिच भएको रोमाञ्चक खेलमा मल्टी स्टारले ४-० गोलको अन्तरले बि वान जे यूथलाई हराउँदै आफ्नो पहिलो जित दर्ता गरेको छ । शनिबार प्रतियोगिताको दोस्रो दिन तीन वटा खेल हुने आयोजकले जनाएको छ । पहिलो खेल बिहान ८ बजे झिलमिला युवा समाज ‘सी’ र जय लक्ष्मी युवा क्लब बिच हुनेछ । दोस्रो खेल दिउँसो १ बजे वाई.बि. स्टार र चिफ एण्ड बेष्ट बिच हुनेछ भने तेस्रो खेल बेलडाँडी फुटबल एकेडेमी ‘बि’ र झिलमिला युवा समाज ‘बि’ बिच दिउँसो ३ बजे भएको खेलमा बि वान जे यूथलाई हराउँदै मल्टी स्टार युवा क्लबले विजय सुरुवात गरेको छ।

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित

    प्रतिक्रिया दिनुहोस


    सम्बन्धित खबरहरु
    ताजा अपडेट