सिकलसेल एनेमिया एवं थेल्सिमिया सम्बन्धी २ दिने स्वास्थ्य शिविर हुने

माधब पौडेल,२७ बैशाख ।कञ्चनपुरको बेलौरी नगरपालिकाको आयोजना तथा ईशान मेमोरियल अस्पतालको सहकार्यमा २ दिने सिकलसेल एनेमिया तथा थेल्सिमिया सम्बन्धी स्वास्थ्य शिविर आयोजना हुने भएको छ ।

यही बैशाख २८ र २९ गते बेलौरी नगरपालिका वडा नम्बर १ देखी वडा नम्बर १० सम्मका सिकलसेल पोजेटिभ तथा थेल्सिमिया पोजेटिभका बिरामीहरुको हेमेटोलोजिस्ट डाक्टर डा. प्रेमराज श्रेष्ठद्वारा निशुल्क रगत परिक्षण तथा चेकजाँच गरिने ईशान मेमोरियल अस्पतालका प्रबन्ध निर्देशक पुजा भट्टले जानकारी दिनुभयो।शुक्रबार ईशान मेमोरियल अस्पतालको उदघाटनको कार्यक्रम समेत रहेको अस्पताल प्रशासनले जनाएको छ।