किशोर किशोरीलाई यौन तथा प्रजनन स्वास्थ्य सम्बन्धि अभिमुखिकरण कार्यक्रम

कञ्चनपुर,१४ असार । कञ्चनपुरको बेलौरीमा किशोर किशोरी यौन तथा प्रजनन स्वास्थ्य सम्बन्धि अभिमुखिकरण कार्यक्रमको आयोजना गरिएको छ । बेलौरी नगरपालिका स्वास्थ्य शाखाको आयोजनामा बिहिबार श्रीपुर प्राथामिक स्वास्थ्य केन्द्रको सभाहलमा एक कार्यक्रमका बिच किशोर किशोरी यौन तथा प्रजनन स्वास्थ्य सम्बन्धि अभिमुखिकरण कार्यक्रमको आयोजना गरिएको हो ।

किशोर किशोरी र महिला स्वास्थ्य स्वंयम सेविका र सरोकारवाला निकायको सहभागितामा किशोर किशोरी यौन तथा प्रजनन स्वास्थ्य सम्बन्धि अभिमुखिकरण कार्यक्रम गरिएका श्रीपुर प्राथामिक स्वास्थ्य केन्द्रका प्रमुख गोबिन्द बहादुर बिष्टले बताउनु भयो । यस्तै किशोर किशोरीहरुले उमेर नपुग्दै विवाह गर्ने, परिवार नियोजनका साधनहरुको ज्ञान र पहुच कम भएको, किशोर किशोरीहरुको पोषण अवस्था कमजोर भएको, मातृ मृत्युदर बढि भएकाले किशोर किशोरीहरु सचेत रहनुपर्ने श्रीपुर प्राथामिक स्वास्थ्य केन्द्र प्रमुख बिष्टले बताउनु बताउनुभयो ।

श्रीपुर स्वास्थ्य प्राथामिक केन्द्रलाई किशोर किशोरी मैत्रि स्वास्थ्य संस्था बनाउन पहल भईरहेको र किशोर किशोरीहरुलाई यौन तथा प्रजनन स्वास्थ्य सेवा तथा परामर्श सेवा प्रदान गरिरहेको प्रमुख बिष्टले जानकारी दिनुभएको छ ।