महाकाली नदीमा डुबेर एक जनाको मृत्यु

हरिश्चन्द्र बाग, कञ्चनपुर, १७ असार । कञ्चनपुर स्थित महाकाली नदीमा डुबेर एक जनाको मृत्यु भएको छ । कञ्चनपुरको भीमदत्त नगरपालिका १२ स्थित महाकाली पक्की पुलमा मजदुरी गर्ने सुर्खेतको बाराहाताल गाउँपालिका ७ घर भएका ४५ वर्षीय धन बहादुर गुरुङको मृत्यु भएको प्रहरीले जनाएको छ ।

हिजो बिहान ११ बजेतिर महाकाली नदीमा माछा मार्न गएको अवस्थामा डुबी बेपत्ता भएको भन्ने खबर प्राप्त हुनासाथ प्रहरी टोली खटिई खोजतलास गर्दा साँझ ६ बजेको समयमा मृत अवस्थामा फेला पारेको बताइएको छ । यश सम्बन्धमा आवश्यक अनुसन्धान गरिरहेको कञ्चनपुर प्रहरीले जनाएको छ ।