समाजसेवी शिव बिष्टद्वारा बुवा–आमाको सम्मानमा पुनर्वास का १४ विद्यालयमा अक्षयकोष स्थापना

धनबहादुर बि क,२३ चैत्र।अमेरिकामा बसोबास गर्दै आएका नेपाली समाजसेवी शिव बिष्टले आफ्ना बुवा–आमाको सम्मानार्थ पुनर्वास क्षेत्रका १४ वटा विद्यालयमा अक्षयकोष स्थापना गरेका छन्।विभिन्न समयमा पुनर्वास का १४ सामुदायिक बिद्यालय मा ८ लाख ५० हजार ४४८ रूपैयाँ बराबरको अक्षयकोष स्थापना गरेका हुन । सबैभन्दा बढी पुनर्वास नगरपालिका वडा नं ५ भानुबस्तीमा रहेको श्री गौरी शंकर माध्यामिक बिद्यालयमा १ लाख २५ हजार ५२५ र दक्षिणी क्षेत्र नं कै अग्रणी बिद्यालय पुनर्वास जनता माध्यमिक विद्यालय पुनर्वास ६ मा १ लाख ११हजार १११ रूपैया अक्षयकोष स्थापना गरेका छन भने पुनर्वास ६ कै श्री जीवन ज्योति माध्यमिक विद्यालय,जनशक्ति आधारभुत बिद्यालय बिरबलभद्रबस्ती,सरस्वती माध्यमिक विद्यालय मोतिबस्ती,गोरखा आधारभुत विद्यालय रामबस्ती,अरनिको आधारभुत विद्यालय अरनिकोबस्ती, राष्ट्रिय आधारभुत बिद्यालय पराशन,चन्द्रवाल आधारभुत बिद्यालय सिमरी,बाल बागेश्वरी माध्यमिक विद्यालय बुद्धबस्ती,दुर्गा माध्यमिक बिद्यालय जनकबस्ती,ऐश्वर्य आधारभुत बिद्यालय दशरथबस्ती , राष्ट्रिय माध्यमिक विद्यालय अमरबस्ती,बागिश्वरी माध्यमिक विद्यालय पृथ्वीबस्ती लगायत प्रति बिद्यालय ५१ हजार १५१ रूपैयाँ दरले ८ लाख ५० हजार ४४८ रूपैया बिष्टले अक्षयकोष स्थापना गरेका छन । बिष्टले बुवा बिश्वनाथ बिष्ट आमा बिष्नु माया बिष्ट,इन्दु कडरिया विष्ट श्रीमान गोमा बिष्ट मार्फत अक्षयकोष रकम बिद्यालय हरूलाई हस्तान्तरण गर्दै आएका छन भने बिद्यालयले पनि सम्मान स्वरूप बिद्यालय मा आयोजना हुने समारोहबीच शिव बिष्टका अभिभावकलाई सम्मान गर्दै आएको छ।त्यसैगरी पुनर्वास ८ स्थित श्रीनिवास दिव्यधाममा नगद १ लाख १ हजार रकम प्रदान गरि आजिवन सदस्य बनेका छन । त्यस्तै आफुले पढाएको निजि बिद्यालय श्री युग ज्योति एकेडेमी माध्यमिक विद्यालयमा अध्ययनरत बालबालिकालाई न्यानो लुगा तथा स्टेसनरी प्रदान गर्दै आएका छन।समाजसेवी बिष्टले १४ बिद्यालयमा अक्षयकोष स्थापना संगै पुनर्वास ६ स्थित विकट सुकुम्बासी बस्तिमा रहेको स्थानीय बाल जागृति आधारभुत बिद्यालयका गरिब विपन्न बालबालिकालाई न्यानो लुगा तथा स्टेशनरी समेत वितरण गरेका छन।शिक्षा क्षेत्रमा दीर्घकालीन सहयोग पुर्‍याउने उद्देश्यसहित यो महत्वपूर्ण सामाजिक कार्य सम्पन्न गरेका हुन्।बिष्टले आफ्ना बुवा–आमाबाट प्राप्त संस्कार, शिक्षा र प्रेरणालाई सम्झँदै उनीहरूको सम्मानमा अक्षयकोष स्थापना गर्ने निर्णय गरेको बताउनुभयो। समाजप्रति उत्तरदायी नागरिक बन्न सिकाउने आफ्ना अभिभावकप्रति कृतज्ञता व्यक्त गर्ने यो एउटा प्रयास हो।बिष्टका अनुसार आर्थिक अभावका कारण शिक्षाबाट वञ्चित हुन बाध्य विद्यार्थीहरूलाई सहयोग पुर्‍याउने लक्ष्यसहित अक्षयकोष स्थापना गरिएको हो। प्रत्येक विद्यालयमा स्थापना गरिएको उक्त कोषबाट प्राप्त ब्याज रकम गरिब तथा जेहेन्दार विद्यार्थीहरूको छात्रवृत्ति, शैक्षिक सामग्री तथा अन्य आवश्यकतामा खर्च गरिने गरेको पुनर्वास जनता मावि का प्रधानाध्यापक मानबहादुर तामाङले बताउनुभयो।

समाजसेवी शिव बिष्टले विदेशमा रहेका नेपालीहरूले आफ्नो मातृभूमिको विकासमा सानो योगदान गरे पनि ठूलो परिवर्तन ल्याउन सकिने विश्वास व्यक्त गरे। “शिक्षामा गरिएको लगानी कहिल्यै खेर जाँदैन, यसले समाजलाई दीर्घकालीन रूपमा सक्षम बनाउँछ,” बिष्टले बताउनुभयो।स्थानीय विद्यालय व्यवस्थापन समितिहरूले पनि यस पहलको प्रशंसा गरेका छन्। उनीहरूले अक्षयकोषले विद्यालयको शैक्षिक स्तर उकास्न र विद्यार्थीहरूलाई निरन्तर अध्ययनमा प्रेरित गर्न महत्वपूर्ण भूमिका खेल्ने बताएका छन्।अक्षयकोष रकमको ब्याजबाट वर्षेनी धेरै बालबालिकाको पढाइमा प्रत्यक्ष टेवा पुग्ने गरेको श्री जीवन ज्योति माध्यमिक विद्यालय प्रधानाध्यापक भरत कुमार बस्नेतले बताउनुहुन्छ।