चिसो बढेसँगै बेलौरी नगरपालिकाद्वारा दुई दिन जाडो बिदा

बेलौरी, १६ पौष।कञ्चनपुरको बेलौरी नगरपालिकाले बढ्दो चिसोका कारण विद्यार्थी, शिक्षक तथा विद्यालय कर्मचारीहरूको स्वास्थ्यलाई ध्यानमा राख्दै दुई दिने जाडो बिदा दिन निर्णय दिएको छ।

नगरपालिकाले सञ्चीत हिउँदे बिदाबाट कट्टी हुने गरी पौष १७ र १८ गते नगरभित्रका सामुदायिक र संस्थागत विद्यालयमा जाडो बिदा दिने निर्णय गरेको हो। बेलौरी नगरपालिकाका नगर उपप्रमुख एवं कार्यवाहक नगरप्रमुख जोगराम चौधरीको हस्ताक्षरमा जारी सूचनामार्फत सार्वजनिक गरिएको छ।