भीमदत्तमा सडक बत्ती: बजार झिलिमिली, जनता दुर्घटनाबाट सुरक्षित बन्दै  

कञ्चनपुर, २९ जेष्ठ।कञ्चनपुरको भीमदत्त नगरपालिकामा सडक बत्ती जडान गरिएको छ । भीमदत्त नगरपालिकाले राजमार्गदेखि बजार क्षेत्रमा सडक बत्ती जडान गरेकोे होे । उज्यालो भीमदत्त बनाउने अभियान अन्तर्गत पुर्वपश्चिम महेन्द्रराजमार्ग सहित बजार क्षेत्रमा सडक बत्ती जडान गरिएको जनाएको छ ।

भीमदत्त नगरका मेयर पदम बोगटी यात्रु नागरिक सहजताका लागि राजमार्गको दुवैतर्फ सडकमा सौर्यबत्ती जडान गरिएकोे बताउनुभयो। ‘हामीले भीमदत्तलाई उज्याँलो बनाउने अभियान अघि सारेका छौँ, ‘मेयर बोगटीका अनुसार अनुरुप पहिलो चरण अन्तर्गत भाँसीको काङलापुलदेखि ट्राफिकचोकसम्म १सय १७बत्ती जडान गरिसकेका छौँ ।’ बजार क्षेत्रमा क्षेत्रीय शहरी विकास परियोजना मार्फत बत्ति जडान गरिएको छ। मेयर बोगटीले बिहान विद्यार्थीदेखि साँझ यात्रुको सुरक्षाका लागि उज्यालो दिन खोजिएको बताउनुभयो।बिहानै विद्यार्थी कलेज आउँछन, सडकमा अध्याँरो हुन्छ, अध्याँरोले आउन जान समस्या हुन्थ्यो, ‘मेयर बोेगटीले भने, ‘साँझ सवारी साधन दुर्घटनाबाट बचाउन सडक बत्ती काम लागेको छ ।’

मेयर बोगटीले क्रमिक रुपमा भीमदत्त नगरको पुरै राजमार्ग गड्डाचौकी सहित नगरका मुख्य चोक गाँउबस्ती, भिडभाँड हुने, सार्वजनिक स्थलमा समेत जडान गर्ने बताउनुभयो। बजारदेखि राजमार्ग क्षेत्रमा सडक बत्तीले महेन्द्रनगर बजार झिलिमिली भएको छ । जसका कारण सवारी दुर्घटना न्यूनिकरण भएको जनाईएको छ । बजारमा झिलिमिली उज्याँलो भएपछि विद्यार्थी, सर्वसाधारण, यातायातका सवारी साधनलाई यात्रा गर्न सहज भएको स्थानीयको भनाई छ । नगरबासीले थप बत्ती जडान गर्नुपर्नेमा सुझाव दिएका छन।