वर्षायामको पानीले माछा बगाउँदा किसान मारमा

माधब पौडेल, ०७ भान्द्र।कञ्चनपुरको बेलौरी नगरपालिका वडा नम्बर २ बन्धन्तालमा रहेको महेश फीस फर्मको बुधबार र बिहीबार परेको अविरल वर्षाले फर्ममा पालन गरेको माछा बगाएको छ।

अविरल बर्षाका कारण पोखरीमा पालेको माछा बगाएको सञ्चालक सोवरन रानाले जानकारी दिनुभयो। विगत लामो समयदेखि माछा पालन व्यवसाय गर्दै आइरहेका रानाका अनुसार माछा नबगोस् भनेर जाली लगाउँदा समेत पानीको ओभर फ्लो भएर डिल फुट्दा माछा बगाएको बताउनुभयो।५ महिना अघि पोखरीमा माछा हालिएको माछा बगाउँदा निकै घाटा व्यहोर्नु परेको बताउनुभयो।