जिल्लाकै जेठो भीमदत्त नगरको १ अर्ब, ९५ करोड बजेट 

कञ्चनपुर, १०असार ।कञ्चनपुरको भीमदत्त नगरपालिकाले आगामी आर्थिक बर्ष २०८१/०८२का लागि नीति, कार्यक्रम तथा बजेट ल्याएको छ । जिल्लाकै जेठो एव पुरानो भीमदत्त नगरपालिकाले आगामी आर्थिक बर्षका लागि नीति, कार्यक्रम तथा बजेट ल्याएको हो ।

सोमबारदेखि शुरु भएको भीमदत्त नगरपालिकाको १५ औँ नगर सभामा १ अर्ब, ९५ करोड ६९ लाख, ३३ हजार बराबरको बजेट प्रस्तुत भएको छ ।नगर प्रवक्ता पदमराज अवस्थीले नै नगर सभामा नीति, कार्यक्रम तथा बजेट प्रस्तुत गर्दै आन्तरिक आय तर्फ ३० करोड हुने अपेक्षा गरिएको छ । वित्तिय समानुकिरण संघीय तर्फ २४ करोड, ४१ लाख, प्रदेश तर्फ २ करोड ४० लाख, संघीय तर्फ शसर्त अनुदान ५८ करोड, १३ लाख, प्रदेश तर्फ १करोड, ९८ लाख, संघीय तर्फ राजस्व बाँडफाँड १८ करोड, ७ लाख, प्रदेश तर्फ ८४ लाख, संघीय तर्फ समपुरक ७५ लाख, प्रदेश तर्फ १ करोड ८६ लाख, संघीय तर्फ विशेष अनुदान १ करोड, प्रदेश तर्फ ५० लाख, समाजिक सुरक्षा ५२ करोड, ५० लाख, सर्डक बोड १ करोड, क्षेत्रीय शहरी विकास आयोजना २४ लाख र नगद मौज्दात २करोड आयतर्फ प्रस्तुत गरिएको छ ।

आन्तरिक आयबाट खर्च हुने चालुमा २१ करोड, वडा कार्यालय चालु ७० लाख, विषयत शाखा कार्यक्रम ३ करोड, २५ लाख, नगर विकास कोष १ करोड, भारतीय राजदुताबास म्याचिङ्ग तर्फ २ करोड, विभिन्न कोष तर्फ ४ करोड ५० लाख, राजस्व बाँडफाँड तर्फ वडा कार्यालय चालु ७० लाख, पालिका १८ करोड, ११ लाख र अन्य चालु म्याचिङ्ग १० लाख विनियोजन गरिएको छ । पूँजिगत खर्च तर्फ वडातर्फ पँुजिगत १२ करोड ६० लाख, विषयगत शाखा ७५ लाख, सार्वजनिक सरचना मर्मत कोष ५० लाख, नगरस्तरिय पुजिगत आयोजना तर्फि ४ करोड, ४४ लाख, पुँजिगत म्याचिङ ७ करोड, ५२ लाख, शसर्त अनुदान खर्च ६० करोड, ११ लाख, समपुरक अनुदान २ करोड, ६१ लाख, सडक बोड तर्फ १ करोड र शहरी विकास आयोजना तर्फ २४लाख विनियोजन गरिएको छ ।

आगामी आर्थिक बर्षमा भीमदत्त नगरपालिकाले केही नयाँ कार्यक्रम संचालन गर्ने योजना ल्याएको छ । नगर प्रवक्ता अवस्थीले ‘मेयर अन द स्र्पट कार्यक्रम’ एकदमै नयाँ भएको बताउनुभयो। नगर क्षेत्रका दुर्गम क्षेत्र, अति विपन्न दलित, लोपोन्मुख, जाति, द्वन्द्वपीडित , महामारी पीडित, विपद् प्रभावित, हिन्सामा परेका महिला, बालबालिका, अपाङ्गता भएका व्यक्ति, गम्भिर दुर्घटनामा परेका व्यक्ति परिवार, साहरा बिहिन बेसाहराको उत्थानका लागि कार्यक्रम संचालन गरिनेछ । यसका साथै बुक फ्रि फ्राईडे कार्यक्रम समेत संचालन गरिने छ । हरेक शुक्रबार विद्यालयमा विद्यार्थीलाई किताब मुक्त गरेर अतिरिक्त कार्यक्रम संचालन गरिनेछ । स्मार्ट हेल्थ, नगरलाई विषादीयुक्त बनाउँदै प्राङगारिक मल उत्पादनका कार्यक्रम संचालन गरिनेछन । नगर प्रवक्ता शिक्षा, स्वास्थ्य, कृषि, पूर्वाधार, पर्यटनका उच्च प्राथमितामा राख्दै गत विगतमा अधुरा योजना पुरा गर्दै नगर सम्बृद्धिका योजना प्रभावकारी कार्यान्वयन गरिने बताए । नगर प्रवक्ता अवस्थीले नगर सभा शुरु भएको र नीति, कार्यक्रम एव बजेट अध्ययनका लागि नगर सभा सदस्यहरुलाई दिएको केही दिनभित्रै पुन नगर सभाको बैठकबाट पारित गरिने बताए । कावा नगर प्रमुख निलम लेखकको अध्यक्षतामा शुरु भएको नगर सभा नगर प्रमुख पदम बोगटी आएपछि नीति, कार्यक्रम, बजेट पारित गरिने प्रवक्ता अवस्थीले बताउनुभयो।