आरक्ष पिडित ३३ घरधुरीलाई बेलौरी नगरपालिका द्वारा साेलार बत्ती वितरण

कञ्चनपुर, माघ १९ । कञ्चनपुरकाे बेलाैरी नगरपालिकाले लालझाडी गाउँपालिका ६ चान्देव बस्दै आएका हात्ति आतंक बाट प्रभावित आरक्ष पिडितलाई साेलार बत्ती वितरण गरेकाे छ । विहिवार चान्देवका ३३ घरधुरीलाई साेलार बत्ती वितर गरिएको हाे ।शुक्लाफाँटा बन्यजन्तु आरक्ष बाट विस्थापित भई लालझाडी गाउँपालिका ६ चान्देवमा बस्दै आएकाहरुलाई साेलार बत्ती वितरण गरिएकाे छ । जंगली हात्तिकाे आतंक बढ्दै गए पछि आतंक न्युनिकरण गर्ने उद्धेश्यले साेलार बत्ती वितरण गरिएको नगरपालिकाले जनाएकाे छ । साेलार बत्ती वितरण कार्यक्रममा बेलाैरी नगरपालिकाका नगरप्रमुख पाेतिलाल चाैधरी, उपप्रमुख जाेगराम चाैधरी, ५ नं. वडाका वडाध्यक्ष लाल बहादुर चाैधरी तथा नगर प्रबक्ता हर्क बहादुर भुल सहित रहेका थिए । २० वाटकाे साेलार प्यानल , पावर कन्ट्राेलर सहित साेलार बत्ती वितरण गरिएको बेलौरी नगरपालिकाका नगरप्रमुख पोतिलाल चौधरी ले जानकारी दिनुभयाे । स्थानीयहरु साेलार बत्ती पाएपछि खुशी व्यक्त गर्दै साेलर बत्तीले केहि हदसम्म हात्ती आतंक राेकथाम हुने बताएका छन।