बेलौरी नगरपालिका वडा नम्बर १ बाट ठूलो परिमाणमा केरा बरामद

बेलौरी,०५चैत्र।कंचनपुरको बेलौरी नगरपालिका वडा नं १ वैशाखीबाट इलाका प्रहरी कार्यालय बेलौरीबाट खटिएको प्रहरी टोलीले दुई ट्रली केरा बरामद गरेको हो ।

बिहीबार बिहान ३ बजे तिर सीमा क्षेत्रमा बेवारिसे अवस्था केरा बरामद गरिएको जिल्ला प्रहरी कार्यालय कञ्चनपुरका प्रवक्ता एवं प्रहरी नायब उपरीक्षक हेम बहादुर शाहीले जानकारी दिनुभयो।

बरामद गरिएको केरा तथा ढुवानीमा प्रयोग भएका साधनलाई आवश्यक कानुनी प्रक्रियाका लागि त्रिनगर भन्सार कार्यालय, कैलाली पठाइएको प्रहरीले जनाएको छ।