मेयर बोगटीद्वारा पत्रकार रनी विवशलाई उपचार खर्च 

धन सिंह धामी,कञ्चनपुर, २८ असोज।कञ्चनपुरको भीमदत्त नगरका मेयर पदम बोगटीले बिरामी पत्रकार रनी विवशलाई उपचार खर्च दिएका छन । सातादेखि महाकाली अस्पतालमा उपचारार्थ पत्रकार विवशलाई मेयर बोगटीले नगद आर्थिक उपचार खर्च दिएका हुन ।

मंगलबार बोगटीले पत्रकार विवशलाई आफुले पाएको भत्ता बाफतको रकमबाट ५ हजार सहयोग गरेको उनको सचिवालयले जनाएको छ । मेयर बोगटीका सचिवालयका प्रमुख चक्र महताले बिरामी पत्रकार विवशको उपचारमा सहयोग पु¥याउने उदेश्यका साथ नगद सहयोग गरेको बताउनुभयो।

नेपाली काँग्रेस कञ्चनपुरका सभापति समेत रहेका मेयर बोगटीले निःस्वार्थ रुपमा समाजका लागि अहोरात्र खटिने पत्रकार विवशको उपचारका लागि हातेमालो गरेको बताउनुभयो। मेयर बोगटीले प्रत्यक्ष पत्रकार विवशलाई भेटेर स्वास्थ लाभको कामना गरेका छन ।

विकल्प दैनिकका सम्पादक एव प्रेस चौतारीका पुर्व केन्द्रीय सदस्य पत्रकार विवशको उपचारमा भीमदत्त नगरका मेयर पदम बोगटी र उपमेयर निलम लेखकले बराबरी व्यक्तिगत तर्फबाट ५÷५ हजार नगद आर्थिक सहयोग गरेका छन।गत भदौँमा जेनजी आन्दोलनकारीले मेयर बोगटी उपमेयर लेखकको घरमा तोडफोड, आगजनी, लुटपाट गरेर तहसनहस बनाएपनि दुवै जनाले गृहनगरमा पत्रकार बिरामी पर्दा साथ सर्मथन सहयोग गरेका छन । काँग्रेस नेताद्वय समेत रहेका मेयर बोगटी, उपमेयर लेखकले लोकतन्त्र रक्षाका लागि स्वतन्त्र प्रेस बाँच्नुपर्ने मान्यता राख्दै आएका छन । पत्रकार विवशले आफु बिरामी भएर थला परेका बेला भीमदत्त नगरका अभिभावक मेयर बोगटी, उपमेयर लेखकले आफुलाई लगाएको गुन कहिल्यै तिर्न नसक्ने भन्दै आभार प्रकट गरेका छन ।