नेपाल रेडक्रस सोसाइटी उपशाखा बेलौरीको २७ औ साधारण सभा सम्पन्न सभापतिमा पुनः तिवारी

माधब पौडेल ,२३ पौष ,नेपाल रेडक्रस सोसाइटी उपशाखा बेलौरीको २७ औ साधारण सभा शनिबार सम्पन्न भएको छ। कार्यक्रमको सभापति विष्णुप्रसाद तिवारी  रहनुभएको थियो। भने प्रमुख अतिथि बेलौरी नगरपालिका ६ को वडा अध्यक्ष भोजराज चौधरी ,विशिष्ट अतिथिमा प्रेमसिंह बोहरा कविता जोशी र अशोक पाण्डे र बेलौरी नगरपालिका  वडा नम्बर ६ का वडासदस्यहरुको सहभागिता रहेको थियो ।
साधारण सभामा हरिसिंह बिष्ट , पदमपाणि ढकाल, तारा बिष्ट र अर्जुन ढकाल लाई सम्मान गरिएको सभापति तिवारी ले जानकारी दिनुभयो । शनिबार बसेको २७ औ साधारणसभा ले ११ सदस्यीय नयाँ कार्यसमिति निर्बिरोध चयन गरेको छ। सभापतिमा विष्णुप्रसाद तिवारी, उपसभापति तारा शाही सचिव शेर ब बिष्ट , कोषाध्यक्ष धनेष दत्त पन्त , उपसचिव मधुविलास ढुङ्गाना, उपकोषाध्यक्ष विजय प्र. पौडेल , सदस्य चन्द्रप्रसाद पोखरेल , चित्रकला गैरे, चन्द्रसिंह विष्ट, टोलप्रकाश पौड्याल र आशाराम चौधरी लाई निर्वाचित गरेको हो । कार्यक्रम सञ्चालन उपशाखाका सचिव शेर बहादुर बिष्टले सञ्चालन गर्नुभएको थियो।