एन.एम.बि.बैंक बेलौरी शाखाद्वारा शान्ति माध्यामिक विद्यालय शान्तिपुरलाई वाटर डिस्पेन्सर हस्तान्तरण

माधब पौडेल,०६।एन.एम. बि.बैंक बेलौरी शाखाले कञ्चनपुरको बेलौरी नगरपालिका वडा नम्बर ४ मा रहेको श्री शान्ति माध्यामिक विद्यालय शान्तिपुरलाई बिहीबार एक कार्यक्रममा बीच वाटर डिस्पेन्सर हस्तान्तरण गरेको छ।एन.एम.बि.बैंकले संस्थागत सामाजिक उत्तरदायित्व कार्यक्रम अन्तर्गत एन.एम.बि.बैंकका एरिया म्यानेजर सुशीलबहादुर सिंहको उपस्थितिमा विद्यालयका प्रधानाध्यापक प्रेम बहादुर थापालाई वाटर डिस्पेन्सरका लागि एक लाख रुपैयाँ प्रदान गरेको एन.एम.वि बेलौरीका शाखा प्रबन्धक रवीन्द्र बहादुर चन्दले जानकारी दिनुभयो। सामाग्री प्राप्त गरे सँगै विद्यालयका प्रधानाध्यापक थापाले सामग्री प्रदान गर्ने एन.एम.वि.बैंक परिवारलाई धन्यवाद ज्ञापन गर्दै आगामी दिनमा थप सहयोगको अपेक्षा गरेको समेत बताउनुभयो।बैंकले प्रत्येक वर्ष सामाजिक उत्तरदायित्व अन्तर्गत विभिन्न कार्यक्रम र सामाग्री हस्तान्तरण गर्दै आईरहेको एन.एम.बि.बैंकका एरिया म्यानेजर सुशील बहादुर सिंहले जानकारी दिनुभयो।