बेलौरी उद्योग वाणिज्य संघको अध्यक्षमा बिष्ट निर्वाचित

बेलौरी , ०९ बैशाख । कञ्चनपुरको बेलौरीमा रहेको बेलौरी उद्योग वाणिज्य संघको शनिबार सम्पन्न निर्वाचनमा हिरा सिंह बिष्ट ले आफ्ना प्रतिद्वन्दी लक्ष्मी नारायण चौधरी लाई १९ मतले पराजित गर्दै अध्यक्ष पदमा निर्वाचित भएका हुन। तेस्तै वरिष्ठ उपाध्यक्षमा जल बहादुर चौधरी लाई ५१ मतले पराजित गर्दै डम्बरदत्त भट्ट निर्वाचित भएको निर्वाचन संयोजक नारायण सिंह ऐरिले जानकारी दिनुभयो ।
सदस्यहरुमा बिष्ट प्यानल बाट देब बहादुर शाही ३४७ भवेश्वर पाण्डे ३१९ यम बहादुर खत्री २८८ कृष्ण प्रसाद बगाले २९० धनराज सुवेदी ३१२ र दिनेश बहादुर कुवरले ३०८ मत प्राप्त गर्दै निर्वाचित भएका हुन । बिष्ट प्यानल का २ जना सदस्य बिष्णुमाया अर्याल र तारा सिंह बिष्ट लाई पराजित गर्दै लक्ष्मी नारायण चौधरी प्यालनबाट आशिष सुनार २९० र रामेश्वर न्यौपाने २८७ मत ल्याइ बिजयी भएका हुन। उद्योग बाणिज्य संघका सदस्य ५८२ जना मध्ये ५०४ मत खसेको र १५ मत बदर भएको सिंह ऐरिले बताउनुभयो ।

यस अघि नै बिष्ट प्यानल का उमेदवारको एकल मनोनयन दर्ता भएपछि उद्योग उपाध्यक्षमा विजयलक्ष्मी श्रेष्ठ, वाणिज्य उपाध्यक्षमा हरिप्रसाद खरेल, महासचिवमा गोविन्द प्रसाद सापकोटा, सचिवमा वसन्त पुन मगर, कोषाध्यक्षमा महेन्द्र सिंह बुडाल निर्बिरोध निर्वाचित भएका हुन।