वडा नम्बर ५ द्वारा महिला स्वास्थ्य स्वयंसेवीका र आमा समूहलाई प्रोत्साहन स्वरुप सामग्री हस्तान्तरण

माधब पौडेल बेलौरी ,६ चैत्र । कञ्चनपुरको बेलौरी नगरपालिका वडा नम्बर ५ कार्यालयद्वारा महिला स्वास्थ्य स्वयंसेवीका र आमा समूहलाई प्रोत्साहन स्वरुप सामग्री हस्तान्तरण गरिएको हो । बेलौरी नगरपालिका वडा नम्बर ५ कार्यालयको आर्थिक बर्ष २०७९÷०८० को महिला लक्षित कार्यक्रम अन्तर्गत १ लाख ८० हजार बराबरको बजेटबाट सम्बन्धित वडामा रहेका १२ जना महिला स्वास्थ्य स्वयंसेवीकालाई दराज तथा १२ वटा आमा समुहलाई २ थान प्लास्टिकको कुर्सी र १०/१० मिटर पि फर्म प्रदान गरिएको बेलौरी नगरपालिका वडा नम्बर ५ का वडाध्यक्ष लाल बहादुर चौधरीले जानकारी दिनुभयो । वडा कार्यालयले बिगतका बर्ष देखि नै जेष्ठ नागरिक, एकल महिला,द्वन्द पीडितलाई सहयोग स्वरुप सामाग्री बितरण गर्दै आइरहेको वडा सदस्य कृपाराम चौधरीले बताउनुभयो