बेलौरी नगरपालिकाको प्रवक्तामा हर्क बहादुर भुल नियुक्त

माधब पौडेल बेलौरी ,२८ मंसिर । कञ्चनपुरको बेलौरी नगरपालिकाको प्रवक्तामा कार्यपालिका सदस्य हर्क बहादुर भुल नियुक्त हुनुभएको छ । बुधबार बसेको बेलौरी नगरपालिका नगर कार्यपालिकाको बैठकले नगरपालिकाको प्रवक्तामा कार्यपालिका सदस्य हर्क बहादुर भुललाई नियुक्त गरेको हो । नगरपालिकाको प्रवक्ता नियुक्त संगै केही महत्पुर्ण निर्णय पनि कार्यपालिकाको बैठकले गरेको छ । नगर कार्यपालिकाको बैठकले नगरभित्रका घरहरूलाई नक्सङ्कन गर्ने, बेलौरी बजारमा निर्माण भईरहेको ड्रेन निमार्णलाई ब्यवस्थापन गर्ने,ल्याब टेक्निसियनको ब्यवस्थापन गर्ने,नगर बिकास स्थापनाका लागि पहल गर्ने तथा नगर उपप्रमुखको सयोजकत्वमा ३ जना सदस्य रहने गरि न्यायिक समिति गठन भएको छ । नगर उपप्रमुख जोगराम चौधरीको सयोजकत्वमा शिवराज राना र आरती चौधरी सदस्य रहने गरि कार्यपालिकाको बैठकले न्यायिक समिति गठन गरिएको नव नियुक्त बेलौरी नगरपालिकाका नगर प्रवक्ता हर्क बहादुर भुलले जानकारी दिनुभएको छ ।