भदौ २३–२४ का घटनामा आयोगको एकपक्षीय व्यवहारप्रति एमाले कञ्चनपुरको तीव्र आपत्ति

कञ्चनपुर,१४कार्तिक।भदौ २३–२४ का घटनामा आयोगको एकपक्षीय व्यवहारप्रति एमाले कञ्चनपुरले नेकपा जिल्ला कमिटी सचिव पल्लवराज भट्टको हस्ताक्षरमा एक प्रेस विज्ञप्ति जारी गर्दै तिब्र आपत्ति जनाएको छ।भाद्र २३ र २४ गते जेन जेडको नाममा भएको बिध्वंसवाट हुन गएको जनधनको क्षतिको छानबिनका लागि बनेको आयोगको टोली हिजो कञ्चनपुरआई सबै पिडित र सरोवालाहरूसंग छलफल नै नगरि भागेको कुरा प्रति हाम्रो गम्भिर ध्यानाकर्षण भएको छ । नेकपा (एमाले) कञ्चनपुरको भवनमा आगजनी गरिएको कुरा राज्यलाई जानकारी छ की छैन ? राजनितिक दल सरोकारवाला हुन की होइनन् ? सरोकारवालाको छलफलमा आफ्‌नो आस्थाको धरोहर जलाइएका राजनितिकदलहरू लाई नबोलाउने अनि उपस्थितिको माइन्युटमा दलका नामलेखेर अनुपस्थित भए भनेर के साबित गर्न खोजिएको हो ? पिडितहरूकहाँ जादा पनि कसैलाई जानकारी गराउने, कसैको घरमा सुटुक्क पुग्ने, कसैको हेर्दै नहेर्ने र जानकारी समेत नगरि फर्किएको देखियो, आयोगको यस्तो ब्यवहारले वर्तमान आयोग कति गैरजिम्मेवार छ र त्यतिबेलाका अपराधिक घटनाहरूलाई कति हलुका ढंगले लिइ रहेको छ भन्ने स्पष्ट भएको छ ।

भाद्र २३ गते कलिला युवाहरूमाथी घुस पैठियाहरूले गोली चलाएर आन्दोलन उत्तेजित पार्न हत्या गरेको र प्रहरी संग नभएका हतियारको गोलीले युवाहरूहो हत्या भएको देखिएकोले छानबिनको माग गर्दै आएको कुरा सर्वविदितै छ । त्यसको जगमा २४ गते गरिएको आगजनी तोडफोड सहितको बिध्वंस योजनावद्ध र नियोजित रूपमा गरिएको कुरा घाम झै छर्लङ्ग छ । त्यतिबेलाका योजनाकारहरूवाट त्यो विध्वंसमा परिचालितहरूलाई जोगाउनका लगि यो आयोग लागि परेको होकी ? भन्ने आयोगका यस प्रकारका गतिबिधिवाट गम्भिर आशंका पैदा भएको छ । छानबिनका नाममा अपराधि जोगाउने र झाराटार्ने कार्य मान्य हुने छैन। बर्तामान सरकार संग भाद्र २३ र २४ गतेको घटनाका अपराधिहरूलाई राज्यले यथासिघ्र कावाहींको दायरामा ल्याउन, पिडितलाई न्याय दिन ढिलाई नगर्न, लुटिएका सम्पूर्ण हतियार फिर्ता गरी समाजमा रहेको भय र आतंकको अवस्था अन्त गर्न आग्रह सहितको प्रेस विज्ञप्ति जारी गरेको छ।